Një 33-vjeçar shqiptar me iniciale K.G., është arrestuar mëngjesin e sotëm në Legnano, me leje qëndrimi të rregullt në Itali dhe i pa dënuar më parë. Policia e stacionit Busto Arsizio e prangosi atë mëngjesin e kësaj të mërkure pas disa muajsh hetime, ndërsa më herët ishte arrestuar edhe një shpërndarës droge që punonte për të.
Hetimet filluan më 1 mars, kur policia arrestoi një 46-vjeçar, i cili u prangos me 15 kg kokainë në makinë tip “Range Rover” e drejtuar prej tij. Droga, e ndarë në 14 pako, ishte 90% e pastër pas analizave kimike. Pas prangosjes së italianit, autoritetet nisën një punë të kujdesshme kërkimore, duke iu rikthyer shqiptarit, me nofkën “Ciccio”.
“Ciccio” menaxhonte një grup tregtarësh me pakicë të drogës, i cili u kërkonte bashkëpunëtorëve të tij që të ktheheshin në Shqipëri dhe i zëvendësoi me një bashkëpunëtor të ri. Gjatë kontrollit në banesën e tij rreth 13,000 €.
Shitësit e drogës, në këmbim, duhej të “punonin” ekskluzivisht për të, në zonat e caktuara nga ai, duke i paguar të gjithë prej të ardhurat nga shitjet. Kur ndonjëri prej “të besuarve” të tij kompromentohej sepse kontrollohej ose denoncohej nga policia, K.G e largonte dhe e kthente në Shqipëri duke e zëvëndësuar me një “bashkëpunëtor” të ri, i cili vihej në veprim vetëm pasi përfundonte një periudhë trajnimi dhe njohurish të “tregut” lokal. Por nuk mungonte as lufta ndaj konkurentëve, pasi shqiptari përdori Policinë kur ishte e nevojshme për të eliminuar konkurrencën, siç ndodhi verën e kaluar.
Në disa raste, K. G i ka çmontuar makinat e përdorura nga ai ose bashkëpunëtorët e tij nga njerëz të besuar dhe i regjistronte me persona që nuk kanë lidhje me të.