Është arritur një marrëveshje ndërkufitare mes Shqipërisë dhe Maqedonisë së Veriut, e cila synon të lehtësojë lëvizjen e qytetarëve dhe qarkullimin e mallrave mes dy vendeve.
Marrëveshja e re “One Stop” parashikon që qytetarët të kryejnë vetëm një ndalesë në pikat doganore, duke shmangur procedurat e dyfishta në kufi.
Zbatimi i saj pritet të nisë brenda këtij muaji fillimisht në doganën e Qafë Thanës, ndërsa muajin pasues do të shtrihet edhe në pikën kufitare të Bllatës.
Sipas të dhënave, në doganën e Bllatës kalojnë rreth 4,600 qytetarë në ditë, ndërsa rreth 300 mijë automjete kanë kaluar në 5 muajt e fundit, si rezultat edhe i hapjes së Rrugës së Arbrit.
Kjo marrëveshje pritet të sjellë lehtësim të ndjeshëm në lëvizjen e qytetarëve dhe transportin e mallrave mes dy vendeve fqinje.