Teksa parashikimi i motit bën të ditur se janari do të mbyllet me reshje, Autoriteti Rrugor Shqiptar njofton se në të gjitha rrugët kryesore të vendit qarkullimi kryhet normalisht, duke bërë të ditur dhe rrugët se ku duhet të përdoren zinxhirë.
“Të gjitha rrugët kryesore të vendit janë të hapura dhe qarkullimi kryhet normalisht. Kompanitë e mirëmbajtjes janë në gatishmëri dhe po punojnë për pastrimin dhe zgjerimin e rrugëve, si dhe shpërndarjen e kripës në segmentet ku ka pasur prezencë ngricash”, thotë ARRSh.
Në jug qarkullimi bëhet me zinxhir vetëm në Boboshticë-Dardhë, në 2 km e fundit, për shkak të ngricave dhe për veçoritë që ka rruga.
Ndërsa në veri qarkullimi bëhet me zinxhir vetëm në Zalldardhe-Reç-Draj Reç, Kryqëzim Domaj-Draj Reç, Ura e Cerenecit-Steblevë, 20 km e fundit të aksit dhe Trebisht-Doganë.