Situata e reshjeve të së enjtes në vend kanë sjellë një sërë problemesh në qarkullim. Autoriteti Rrugor Shqiptar bën të ditur se nuk ka pasur rrugë të bllokuara, por jep detaje mbi rrugët ku nevojitet përdorimi i zinxhirëve.
Bëhet fjalë kryesisht për zonat malore të rajonit verior dhe verilindor, ndërsa në juglindje të vendit nuk paraqitet situatë problematike.
ARRSH informon se në rajonin jugor në Qarkun e Gjirokastrës dhe Vlorës gjatë natës ka pasur reshje shiu dhe qarkullimi i mjeteve kryhet normalisht pa zinxhirë. Ndërkohë në juglindje, në Qarkun e Korçës edhe pse gjatë 24 orëve të fundit ka pasur reshje të dobëta bore, njoftohet se kontraktorët kanë punuar gjatë natës për pastrimin e akseve dhe shpërndarjen e kripës, ndaj situata e qarkullimit të automjeteve kryhet normalisht në të gjithë akset.
Situata paraqitet e vështirësura në rajonin verior, kryesisht në Dibër dhe Mirditë ku ARSH përmend si akse që duhen qarkulluar me zinxhirë akset Zalldardhë – Draj Reç, Domaj – Draj Reç, Ura e Cerenecit – Steblevë, 20 km e fundit të aksit, Reç – Qafë Drajë .
Sa i përket rajonit qendror në Tiranë, ARRSH bën me dije se në aksin rrugor Librazhd-Steblevë ka pasur reshje të dobëta dëbore, dhe qarkullimi kryhet pa probleme.