Autoriteti Rrugor Shqiptar njoftoi sot se në Tunelin e Krrabës, u krye një inspektim i hollësishëm, lidhur me pasojat e termetit të datës 26 nëntor 2019, ashtu siç u realizua edhe në të gjitha veprat e tjera të artit, ura, mure mbajtës e pritës e tjerë në të gjithë rrjetin rrugor kombëtar.
Inspektimi u krye nga specialistë të Autoritetit Rrugor Shqiptar dhe përfaqësues të Operatorit të Tunelit.Theksojmë se, nga ana konstruktive tunelet e mëdhenj në Shqipëri, i Thirrës dhe i Krrabës, janë llogaritur, sipas EUROCODE-ve për përballimin e termeteve epiqendra e të cilëve mund të jetë direkt pranë tunelit dhe me magnituda edhe më të mëdha se termeti i datës 26 nëntor.
Pas inspektimit, u konkludua se në tunel nuk ka asnjë problem shqetësues për përdoruesit e tij.
Funksionimi i tij vazhdon normalisht, pa asnjë ndërprerje dhe në përputhje të plotë me projektin e menaxhimit, operimit dhe mirëmbajtjes së tij.,” përfundon njoftimi.