Arsenali mori një fitore 3-0 ndaj Bournemouth, dhe mbetet në krye të renditjes. Në fundin e pjesës së parë portieri Travers shkaktoi një 11-metërsh ndaj Kai Havertz. Nga pika e bardhë, Bukayo Saka nuk gaboi dhe i dhuroi avantazhin skuadrës së tij.
Bournemouth tentoi diçka më shumë dhe rrezikoi në disa raste portën e Rayas. Megjithatë, në të 70-tën, skuadra e drejtuar nga Mikel Arteta realizoi edhe golin e dytë me anë të Leandro Trossard.
Në kohën shtesë, Arsenal shënoi edhe të tretin me Declan Rice për të thelluar edhe më shumë rezultatin. Kështu, Arsenal mori tre pikë të arta duke qëndruar në krye të Premier League me 83 pikë, katër më shumë se Manchester City që për momentin ka dy ndeshje më pak se “The Gunners”.