Pse njerëzit tradhtojnë partnerin e tyre, duke u treguar të pabesë me ta? Tradicionalisht, është argumentuar se gratë kanë më shumë gjasa të tradhtojnë sepse janë të pakënaqura me marrëdhëniet ekzistuese, ndërsa burrat kanë më shumë gjasa të tradhtojnë sepse janë në kërkim të shumëllojshmërisë seksuale.
Ekspertët thonë se arsyet kryesore që gratë tradhtojnë janë: mungesa e dashurisë për partnerin, dëshira për përvoja seksuale. Një shkrimtare e quajtur Alicia Walker, në librin e saj “Jeta sekrete e gruas që tradhton”, zbuloi se gratë shpesh tradhtonin jo për të gjetur dashurinë diku tjetër por thjesht për të provuar përvoja të tjera seksuale.
Ato argumentonin se nuk kishin më një lidhje të fortë seksuale me burrat e tyre dhe se tradhtinë e shihnin si një “mënyrë” për të shpëtuar martesën e tyre.
“Ato thonë se: nëse nuk bëj diçka për ta trajtuar këtë, do të përfundoj duke ikur. Do të përfundoj duke thyer familjen time, duke thyer zemrat e fëmijëve të mi, duke thyer zemrën e burrit tim dhe unë thjesht nuk kam nevojë për këtë.”, u shpreh autorja e studimit.
Herë të tjera, gratë janë të pakënaqura në marrëdhëniet e tyre. Kjo nuk do të thotë se gratë që tradhtojnë janë gjithmonë në kërkim të shpëtimit të martesës së tyre. Ndonjëherë, është e kundërta: “Një nga arsyet kryesore që gratë tradhtojnë është për t’i dhënë fund një marrëdhënie, në të cilën kanë ngecur.