Akademiku Artan Fuga, i njohur për ironinë e përdorur ndaj qeverisë, këtë herë ka komentuar gjendjen në të cilën ndodhet rruga Tiranë-Ndroq-Durrës, që për të është sikur ta ketë bombarduar presidenti rus Vladimir Putin. “Rrugë turistike! Bleje një shalqi në Fushë-Pezë, haje në Romanat, kur del në Plepa e ke të tretur! Na i thyet kërbishtjet e këtyre qerreve tona prej katunarësh nga Vaqarri”.
Postimi i plotë
Boooo, rruga Tiranë-Ndroq-Durrës dhe kthim, çfarë tmerri, sikur ta ketë bombarduar Putini!
Rrugë turistike! Bleje një shalqi në Fushë-Pezë, haje në Romanat, kur del në Plepa e ke të tretur!
Na i thyet kërbishtjet e këtyre qerreve tona prej katunarësh nga Vaqarri!
Ju, s’çani kokë se bridhni me makinat e shtetit! 2 milionë euro një rrotë!
Por, e ka një të mirë, zhvillohet industria e riparimit të veturave dhe rriten hapësirat e varrezave të veturave!