Artan Hoxha ka folur për hakerimin e SHISH dhe publikimin e databazës që përmban punonjësit e këtij institucioni, mes tyre agjentë të kundërzbulimit.
I ftuar në emisionin “Të Paekspozuarit”, Hoxha deklaroi se hakerimi i këtij institucioni ekspozon shumë njerëz dhe është i rëndë, por shtoi se kryeministri e trajton SHISH si një agjensi të rëndomtë.
Gazetari përmendi edhe faktin se kreu i SHISH, Helidon Bendo, ndodhet në SHBA dhe do të qëndrojë një vit për kurs.
“Rama ka të drejtë që thotë nuk na kanë marrë gjë hakerat. Ai e trajton SHISH-in si agjenci të rëndomtë. Shefi i Shërbimit ka një vit që është në kurs në SHBA. Ne sot kemi listën e operativëve. Ai po u dekonspirua, ai është i mbaruar. Unë pashë disa kolegë aty që ishin në listë…
Ata janë dekonspiruar dhe ata nuk kanë më asnjë vlerë. Nëse i ndodh ndonjë gjë atyre ose familjarëve…”, tha ndër të tjera Hoxha.