Gazetari Artan Hoxha ka zbuluar detaje mbi vrasjen e 27-vjeçarit Aleksandër Sadikaj që u vra sot në dalje të Tiranës, pasi mjeti me të cilin ai lëvizte, shpërtheu me tritol. Makina është djegur e gjitha pas shpërthimit të ndodhur në afërsi të rrethrrotullimit të TEG-ut.
“Tirana, qyteti Europian i rinisë 2022… Kjo është rruga, që kryeministri shkon çdo dite nga shtëpia në punë, dhe kthehet çdo mbrëmje në banesën e tij, në periferi të kryeqytetit…. Nuk po them se atentati mafioz me shpërthim të fuqishëm eksplozivi, qe i mori jetën 27-vjeçarit Aleksander Sadikaj, është dëgjuar fortë duke tronditur dhe vilat më luksoze në rezidencat aty pranë, ku banojnë oligarkët apo vipat e Shqipërisë… Asnjë nuk është aq i sigurt sa mendon, asgjë nuk është aq e sigurtë sa duket… Por sot, vrasësit, të paktën u kujdesën të mos shkaktonin viktima të tjera…“, shkruan Hoxha.