Emra të shumtë të artit dhe muzikës shqiptare kanë shkuar në ndihmë të banorëve të prekur nga tërmeti i frikshëm i 26 nëntorit.
Një prej tyre është dhe reperi i njohur Noizy, i cili ka shkuar pranë zonës ku janë ngritur çadrat për banorët që u janë shkatërruar shtëpitë.
Në një video të publikuar prej tij duket se gatuan makarona për këta banorë duke dhënë një mesazh të fortë mbështetjeje.
“Edhe pse patem fatkeqesi zemrat nuk i prishem, madje mesuam se sa shume e duam njeri tjetrin. Nuk kam fjale per xhestin e shqiptarve te kosoves dhe te maqedonise, mund te kem par vet me syte e mi mbi 50 kamiona me ndihma per vellezerit dhe motrat e tyre qe kishin nevoje, si me ushqim por edhe jorgane e batanie. BRAVO!
Kam qare shume, jo nga frika por nga gezimi dhe jam i mbushur plot me energji. Do ju lutesha organizatave dhe njerezve qe kontribuojne, te kete kontroll mbi gjithcka sepse nuk duhet abuzuar me miresine, ju qe kontribuoni duhet te siguroheni qe ate qe ju na ofroni te shkoje ne vendin e duhur. Edhe nje here ne emer te gjithe shqiptareve ju falenderoj nga zemra. Zoti qoft me te gjithe ju dhe familjet tuaja. Uroj qe keto lloj fatkeqsish mos te ndodhin me kurre. Zinjo”, shkruan Noizy.
Në video duken kushtet e vështira dhe trauma që po kalojnë këta banorë, të cilët detyrohen të hanë pa pirun.