Gjon Muharremaj, i njohur ndryshe me emrin e artit Gjon’s Tears gjatë një interviste të dhënë së fundmi, ai ka folur për racizmin.
Prej vitesh ai jeton në Zvicër, ku po korr një sukses të madh në tregun muzikor, e madje në vitin 2021, ai përfaqësoi Zvicrën në “Eurovision”, ku arriti të fitonte vendin e tretë.
Artisti ka treguar se si është ndier kur ka shkuar fillimisht në Zvicër, ku tregoi se është përballur me racizmin e vendasve.
“Të jesh shqiptar në Zvicër, isha pak i frikësuar. Këtu janë pak racist. Njerëzit këtu thoshin, ‘shqiptari është ai që vjedh’… Identiteti yt ka vlerë vetëm kur ti i jep vlerë. Unë kuptova që jam një puzzle. Kuptova gjithë këto kultura të ndryshme.
Në atë moment doja të dija shumë e më shumë për Shqipërinë dhe Kosovën. Jam me fat që e kam këtë multikulturalizëm”, tha ai.