Nga Peshkopia, drejtuesit politikë vlerësojnë organizimin lokal dhe japin mbështetje për kryebashkiakët aktualë.
Në qytetin e Peshkopisë u zhvillua sot Asambleja e Zgjeruar e socialistëve të Qarkut Dibër, me pjesëmarrjen e Drejtuesit Politik, Ulsi Manja, dhe ish-zv.kryeministres, Belinda Balluku.
Gjatë takimit, drejtuesit vlerësuan punën e strukturave lokale për zgjerimin e anëtarësisë, përzgjedhjen e kryetarëve të Organizatave Socialiste dhe angazhimin në funksion të përgatitjeve për zgjedhjet vendore të vitit 2027.
Në fjalën e saj, Balluku u ndal te investimet në rajonin e Dibrës, duke theksuar se gjatë kohës që ka mbajtur detyrën e drejtueses politike, ky qark ka qenë në fokus të veçantë të projekteve zhvillimore.
Në përmbyllje, ajo shprehu mbështetjen për një mandat të ri të kryebashkiakëve të qarkut Dibër.