Sot është përmbyllur riveshja me asfaltobeton e rrugëve të brendshme të qytetit të Burrelit. Firma zbatuese e projektit ka hedhur shtresën asfaltike në të gjitha rrugët e planifikuara për t’u riveshur duke i hapur rrugë kështu vendosjes më pas të sinjalistikës horizontale. Investimi u krye me cilësi të lartë dhe brenda një afati të shkurtër kohor.
Kryetari i Bashkisë Mat, Agron Malaj, ndoqi nga afër punimet dhe u shpreh se shumë shpejt do të nisë puna edhe për plotësimin e sinjalistikës si asaj horizontale po ashtu edhe vertikale.
Sakaq Malaj tha se e njëjta proçedurë do të ndiqet edhe për rrugët e fshatrave të cilat hap pas hapi do të asfaltohen, duke nisur fillimisht nga qendrat administrative që nuk lidhen me rrugë të asfaltuara.
