Ka nisur puna për asfaltimin e rrugës lidhëse Klos-Rruga e Arbërit.
Makineritë e firmës zbatuese të projektit po vijojnë punën intensivisht që të kapin afatet kohore në mënyrë që me datë 29 Nëntor, ditën e festës së çlirimit të vendit, ky aks të jetë i aksesueshëm për të gjithë.
Tashmë është bërë hedhja e shtresës së parë asfaltike në të gjithë aksin nga rreth-rrotullimi, tek vendi i quajtur “Mani i zi” deri në afërsi të Urës së fshatit Fshat.
Deri në hapjen e tunelit të Murrizit do të shfrytëzohet nga përdoruesit e mjeteve “Rruga Panoramike”, ajo mbi këtë tunel.