Lulzim Basha ka zhvilluar një takim me kryebashkiakët e Partisë Demokratike, ende në detyrë për të diskutuar mbi të ardhmen e tyre.
Kryebashkiaket e djathtë që nuk garuan për shkak të bojkotit thanë pas takimit se nuk do t’i lëshojnë zyrat.
Ndërkohë ata janë mbledhur me kryetarin e Partisë Demokratike, Lulzim Basha në selinë e PD për të marrë një vendim për hapat që do të ndiqen më tej.
Teksa gjykatat po shkojnë drejt njohjes së mandateve për 61 kryebashkiakët e rinj, po ashtu edhe njohjes së këshillave bashkiakë që dolën nga zgjedhjet apo votimet e 30 qershorit, por, sipas Kushtetutës ato do të nisën punë më 12 gusht. Deri atëherë, kryebashkiakët që nuk janë votuar më 30 qershor duhet të dorëzojnë detyrën.
Por ky është interpretimi i njërës anë, sepse pala tjetër pretendon që votimet nuk ishin të ligjshme, ngaqë Presidenti Meta ka shpallur 13 tetorin si datë për zgjedhjet lokale.