Në të kaluarën, aktori Brad Pitt ka treguar se ka një problem me mjediset e populluara. Ai përpiqet të kujtojë njerëzit, të njohë fytyrat e tyre dhe ka frikë se njerëzit kanë një mendim të gabuar për të: se ai është i përmbajtur, i paarritshëm, i zhytur në vetvete.
Por e vërteta është se ai dëshiron të kujtojë njerëzit që takon dhe i vjen turp që nuk mundet. Ai nuk është diagnostikuar zyrtarisht, por mendon se mund të vuajë nga një gjendje specifike: prosopagnosia, një paaftësi për të njohur fytyrat e njerëzve që njihet ndryshe si “verbëri e fytyrës”.
“Askush nuk më beson. Dua të takoj një tjetër që ka të njëjtin problem si unë”, tha ai në një intervistë për GQ.
Ylli i Hollywood u shpreh gjatë një interviste në vitin 2013 se shumë njerëz mund të mendojnë se ai nuk po i respekton, por në të vërtetë nuk iu mban mend fytyrat.
Termi prosopagnosia vjen nga fjalët greke për “fytyrë” dhe “mungesë njohurie”. Ky çrregullim neurologjik nuk lidhet me mosfunksionimin e kujtesës, humbjen e kujtesës, dëmtimin e shikimit ose paaftësitë në të mësuar dhe mendohet të jetë rezultat i anomalive ose dëmtimit të lobeve të caktuara në tru që lidhen me perceptimin dhe kujtesën e fytyrave.