Kreu i PD-së Lulzim Basha ka postuar një video përmes së cilës tregon pushimet e kryeministrit Rama, i cili është shprehur se nuk ka bërë kurrë pushime jashtë si kryeministër.
Mirëpo kreu i PD-së, i cili është shprehur se në shtator do të ketë protesta të fuqishme nuk ka thënë asnjë fjalë në këtë postim të tijin lidhur me vijimin e aksionit opozitar. Madje, një ditë më parë kur nisi dhe sesioni i radhës i Kuvendit, Basha nuk “u bë i gjallë”.
“Edi Rama është artist i mashtrimit. Gjithçka që ka premtuar, gjithçka që ka thënë ka qenë mashtrim me qëllim për të vjedhur dhe grabitur bashkë me kriminelët dhe oligarkët. Çdo projekt, program dhe politikë është mashtrim për shqiptarët në shërbim të oligarkëve.
Pasuri dhe Luks për vete, Papunësi, Varfëri dhe Pasiguri për njerëzit. Mashtrimeve dhe gënjeshtrave të Hajdutit Psiqik ju ka dalë boja”, shkruan Basha në statusin që shoqëron videon e postuar.