Me propozim të Kryetarit të Bashkisë Tonin Marinaj, Këshilli Bashkiak Malësi e Madhe ka miratuar vendimin për dhënie të titullit “Qytetar Nderi” të një ndër shkrimtarëve më të njohur shqiptar, i cili me kryeveprën e tij “Lahuta e Malcisë” bëri të njohur në botë trevën tonë Malësi e Madhe.
Në 150 vjetorin e lindjes së shkrimtarit, Bashkia e ka shpallur “Qytetar Nderi” pas vdekje At Gjergj Fishtën me motivacionin: “Një nga personalitetet më të shquar të atdhetarisë e historisë, artit e kulturës, letërsisë e publicistikës shqiptare e më gjërë, mbrojtës i denjë i Alfabetit të Gjuhës Shqipe në Kongresin e Manastirit 1908 e sidomos me botimin e poemës “Lahuta e Malësisë” lartësoi kurdoherë trevën tonë Malësi e Madhe”.