Janë të lidhur prej shumë vitesh, duke u kurorëzuar me një martesë të lumtur. Orinda Huta dhe Turjan Hyska janë shumë të lumtur me njëri-tjetrin, por kureshtja e shumë njerëzve është se kur do të vijë një bebe.
Orinda ishte e ftuar “Në kurthin e Piter Pan”, dhe iu përgjigj me sinqeritet pyetjes së fëmijëve.
“Nëse bebja do të ishte me celës, do të kishte ardhur, se ne po e presim me shumë dëshirë. Përderisa nuk shtypet me celës, do të presim“, është shprehur ajo.
Orinda ka rrëfyer me mjaft humor dhe momentin e propozimit të Turit për martesë. Ai kishte vendosur ta bënte në Romë, në 30-vjetorin e Orindës, por kishin ngecur në trafik dhe Turi u acarua se nuk kapi dot mesnatën për të bërë në Piazza del Popolo propozimin e tij. Por edhe pse me vonesë, në momentin që ai kishte dashur të bënte propozimin Orinda i kishte thënë “Jo mos e bëj”.