Ndryshe nga hera e kaluar kur Rama nuk ishte në seancë teksa opozita protestonte, këtë radhë ai ka marrë fjalën duke thënë se opozita tashmë ka hyrë në një rrugë pa krye pas një vendimi politikisht vetëvrasës, djegies së mandateve. Për Ramën ata janë larguar përfundimisht nga Parlamenti.
“Reagim brenda pallatit të politikës, ng ajo pjesë e tërësisë së përfaqësisë politike të popullit shqiptar që për asnjë moment nuk pati sensin e realitetit dhe reflektimit mbi vetveten në radhë rtë parë. Ajo që ndodh sot është krijimi i një rruge pa krye ku e vetmja gjë e re është një vendim politikisht vetëvrasës i udhëheqjes politike të opozitës si rezultat i humbjes së plotë të shkimit mbi veteveten dhe Shqiëprinë.
Jemi në kushtet e një sezoni të ri të një sinjali të njohur. Nuk besoj se për ju që jeni këtu është e vështirë që ti bëni një thirrje të shpejtë kujtesës për situatën ekzaktësisht dy vite më parë në këtë periudhë ku në bulevard u ngrit një çadër dhe nga ajo çadër nisi një rrugëtim për të ndërtuar një republikë të re, me kushtin e panegociueshëm për një qeveri pa Edi Ramën kryeministër, dhe tranzitore për të garantuar zgjedhje sipas dëshirës së atyre që sot janë larguar përfundimisht nga ky Parlament”, tha Rama.
Ai bëri të ditur sërish se nuk do të heqë dorë nga përfundimi i mandatit të qeverisë së tij deri në 2021-shin.
“Ky parlament është vendi që na ka zgjedhur shumica e shqiptarëve, qeverisje deri në 2021. Ne me mandatin nuk luajmë bixhoz, siç luajnë ata pas të cilëve qëndrojnë numër interesash që janë mundur në betejën tonë për të bërë shtet, që nga grupi i financuesve të bixhozit, e me radhë. Një pjesë tjetër e opozitës kanë zgjedhur të zënë vendet e tyre në parlament, është e drejta e tyre dhe mënyra si e shohin detyrimin ndaj zgjedhësve. Ajo që na takon është që këtij Kuvendi ti japim përmasën e halleve, problemeve shpresave, pritshmërive të njerëzve duke i krijuar njerëzve mundësinë më në fund se nga Kuvendi i Shqipërisë të dëgjojnë se çfarë bëjmë ne në këtë proces për të cilin na kanë zgjedhur”, tha Rama.
Vijon…