“Ajo që i bëri Basha-Berishës është lule në krahasim me atë që pritet t’i bëjë Erion Veliaj, Ramës.” Kështu është shprehur deputeti demokrat Belind Këlliçi, i ftuar këtë mbrëmje në “Log”.
Të njëjtin mendim duket se ndan edhe analisti Artur Zheji i cili u shpreh se gjithnjë ka një Brut që vret Cezarin, dhe sipas tij, nuk do të jetë e largët ora kur Veliaj do “t’i ngulë thikën” Ramës.
Zheji kujtoi se ky ishte pikërisht skenari që Sali Berisha evitoi t’i ndodhte me “birin e tij politik”, Lulzim Bashën.
“Ka gjithnjë një Brut që vret Cezarin. Është e paevitueshme, që një Brut do ta vrasë Cezarin. Historia na mëson se raportet njerëzore janë metafizike. Berisha e di këtë. Kur pa se çfarë bëri Basha, nuk e besoi marrëveshjen, e refuzoi. Basha veproi me kokën e tij pas dy muaj sherresh. Nuk e la që Basha të shndërrohej në varrmihës. Doktorit s’ia hedh njeri, do ta caktojë vetë pasardhësit. Deri atëherë, ka nevojë për një garë. Ata që e kanë sharë mbajnë pozicione hibride. Kandidati më i mirë për besnikëri është Noka, Paloka. Problemi është që doktori, ndoshta mendon që probabiliteti i fitimit në Tiranë është i vogël, dhe mendon ta mbajë mesfushor.”
Sipas të ftuarve në studio, Tirana është shumë e rëndësishme për Ramën dhe opozitën sepse strehon gjysmën e Shqipërisë.