Një 50-vjeçar ka mbetur i plagosur me armë zjarri mbrëmjen e së premtes në lagjen nr. 4 të Sarandës.
Sipas informacionit paraprak të Policisë, rreth orës 21:15, në rrethana ende të paqarta, shtetasi me inicialet Th. R. është qëlluar me armë zjarri para biznesit të tij. I plagosuri është transportuar menjëherë në spital, ku po merr ndihmë mjekësore.
Shërbimet e Policisë kanë mbërritur menjëherë në vendngjarje dhe kanë nisur kontrolle intensive për identifikimin dhe kapjen e autorëve. Sipas të dhënave të para, dyshohet se autorët kanë qenë dy persona të pajisur me skafandra, të cilët janë larguar nga vendi i ngjarjes me një motomjet.
Ndërkohë, grupi hetimor, nën drejtimin e Prokurorisë, po kryen veprimet procedurale për zbardhjen e plotë të rrethanave të ngjarjes, identifikimin e autorëve dhe dokumentimin e saj.