Një atentat me armë ndodhi sot rreth orës 20:05 në zonën e Ishull-Lezhës, ku persona ende të paidentifikuar qëlluan me breshëri plumbash në drejtim të një makine ne lëvizje tip “Benz ML”, brenda së cilës ishin duke udhëtuar shtetasit Blerim Preçi dhe Klisman Preçi.
Për pasojë, automjeti ka dalë nga rruga por për fat të mirë nuk ka patur persona të lënduar.
Policia ndodhet aktualisht në vendngjarje dhe po punon për zbardhjen e plotë të atentatit, ndërsa njoftohet se janë ngritur pika kontrolli në të gjithë zonën për identifikimin dhe kapjen e autorëve të ngjarjes.
Njoftimi i policisë:
Rreth orës 20:05, në Ishull Lezhë, është qëlluar me armë zjarri në drejtim të një mjeti në lëvizje, brenda së cilit udhëtonin shtetasit B.P.dhe K.P.
Për pasojë nuk ka persona të lënduar.
Grupi hetimor në vendngjarje po administron çdo provë e të dhënë, për identifikimin e autorëve dhe zbardhjen e plotë të rrethanave të ngjarjes.
Janë ngritur pika kontrolli si dhe po bëhet krehja e zonës me qëllim kapjen e autorëve.