Policia e Lezhës ka ushtruar kontrolle të shumta gjatë natës si dhe ka shoqëruar disa persona në tentativë për të rënë në jurmët e autorëve të atentatit të mbrëmshëm ndaj një makine luksoze ku udhëtonin dy të rinj.
Ngjarja në fjalë ndodhi mbrëmë rreth orës 20:05, në Ishull Lezhë. Sipas policisë, persona ende të paidentifikuar, qëlluan me armë zjarri në drejtim të një mjeti në lëvizje, brenda së cilit, udhëtonin shtetasit Blerim Preçi dhe Klisman Preçi.
Atentatorët sulmuan me armë makinën e 28-vjeçarit Blerim Preçi, ndërsa deri më tani nuk dihet ende se për çfarë mund të ketë ndodhur ngjarja.
Policia po punon për zbardhjen e plotë të ngjarjes dhe kapjen e autorëve.