Edhe atentati i sotëm në autostradën Fier-Vlorë, ku u vranë me breshëri kallashnikovi në makinë Shpati Lena dhe Hakim Xhezo, është pasojë e vendimeve të dyshimta atë gjykatave.
Shpati Lena, i cili dyshohet se ka qenë edhe objektivi kryesor i atentatit për shkak të të kaluarës së tij kriminale, është arrestuar për herë të fundit nga policia në 22 mars të vitit 2022, pra 5 muaj më parë, në zonën e Ujit të Ftohtë, me automjet të blinduar dhe armë.
Tre ditë më vonë, gjyqtarja e Vlorës, Arbana Selmanaj, ka urdhëruar lirimin e menjëhershëm të Shpati Lenës nga burgu, duke i dhënë masën ‘detyrim paraqitje’.
Edhe pse ishte një personazh me precedentë kriminal dhe akuzohej për armëmbajtje pa leje dhe moskallëzim krimi, ai u lirua.
Në makinën ku ndodhej Shpati Lena u gjetën dy armë të tipit pistoletë dhe municione. Ariel Kingji dhe Kristo Drolli deklaruan se armët u përkisnin atyre, një manovër kjo për të shpëtuar Shpati Lenën.
