Zëri është aseti më i çmuar për një këngëtar dhe kujdesi për të është i domosdoshëm. Një nga zërat më të mirë të muzikës shqiptare, Aurela Gaçe, ka rrëfyer përvojën e saj me menaxhimin e zërit disa vite më parë. Ajo është shprehur se për shkak të punës me orare të zgjatura, pati një problem me zërin, për të cilin u drejtua te mjeku.
“Atëherë pata një problem vokal, pasi punoja shumë. Atëherë isha thjesht si ata boksierët e rrugës, të cilët janë të fuqishëm sepse kanë lindur ashtu, por ju vjen dikush dhe i rrëzon…”, ka rrëfyer Aurela.
Për këngëtaren, ndjekja nga një prej mjekeve më të mira në SHBA i shërbeu asaj të bënte kthesën e madhe në mënyrën se si e menaxhonte zërin.
“Kam shkuar dhe jam vizituar te një nga mjeket më në zë të Amerikës, (Ëen Corovin), e cila kujdesej për të gjithë këngëtarët dhe spikerët më në zë të Broadëay… Ajo më pyeti sa këngë këndon? Qesha dhe i thashë, jo ne nuk e kemi me këngë, ne e kemi me orë…
I thërrita vetes, pasi aty kam patur frikën më të madhe se mos unë nuk do të mundesha të dilja më në skenë. Mjekja më kërkoi: “Ose do të stoposh tani dhe do të bësh këtë që të them unë, ose t’i edhe dy vjet jetë ke si këngëtare…”
Aty e mora vendimin dhe i thashë do të bëj çfarë të më thuash ti. Stopova! Dy javët e para më ka mbajtur me ilaçe, tre muaj nuk kam kënduar fare dhe me ditë të tëra nuk kam folur fare…
Mjekja më pyeti se sa shumë e doja muzikën, dhe i thashë që kënga është baraz me jetën time. Nuk do të mund të jetoja, nëse nuk do të këndoja… Që nga ai moment, çdo ditë dhe në mënyrë sistematike unë stërvitem për zërin tim…”, është shprehur këngëtarja.