Nuk ka më asnjë kufizim. Austria ka vendosur të anulojë kushtet e detyruara të udhëtimit si vaksinimi, testimi, apo prova e kalimit të kovidit.
Tani e tutje në këtë vend mund të hyni siç ka qenë para pandemisë që nisi në mars 2020. Në Fletoren Zyrtare është njoftuar se ka hyrë në fuqi dekreti për rregulloren e re të udhëtimit të përgatitur nga Ministria e Shëndetësisë.
Sipas dekretit, kufizimet e ndryshme për hyrjen në vend që zgjatën për mëse dy vjet janë hequr plotësisht. Personat që do të udhëtojnë në vend do të mund të hyjnë pa paraqitur asnjë dokument.
Por, nga ana tjetër, në dekret gjithashtu thuhet se nëse në ndonjë vend shihet një variant i ri i mundshëm i virusit, kufizimet për këtë vend apo vende në situatë të ngjashme do të riaplikohen.
As maskat nuk janë më të detyrueshme që nga 16 maji edhe në avionë dhe aeroporte, por Austria nuk e ka hequr këtë kufizim ndryshe nga vendet e tjera të BE.
Austria me 10 milionë banorë humbi 18,303 njerëz të infektuar. Afro gjysma e popullsisë u infektua nga kovidi.