Policia e Korçës ka sekuestruar një sasi municioni në Maliq, duke arrestuar në flagrancë një 20-vjeçar dhe proceduar penalisht një 17-vjeçar.
Sipas burimeve zyrtare, kanë qenë qytetarët ata që kanë njoftuar policinë se në fshatin Pirg qarkullonin me armë zjarri dy persona. Të rinjve iu gjet një armë zjarri tip automatik, një krehër me 3 fishekë dhe 343 copë fishekë të tjerë të vendosur brenda një çante, të cilat i posedonin pa leje.
NJOFTIMI I POLICISE
Maliq
Vijon bashkëpunimi midis komunitetit dhe Policisë.
Falë këtij bashkëpunimi, arrestohet në flagrancë një shtetas dhe procedohet penalisht në gjendje të lirë një tjetër, të cilët posedonin armë zjarri dhe municion pa leje.
Sekuestrohen një armë tip automatik dhe muncione luftarake.
Pas marrjes së një informacioni nga komuniteti, se në fshatin Pirg, dy shtetas qarkullojnë me armë zjarri, menjëherë shërbimet e Komisariatit të Policisë Maliq, kanë organizuar punën dhe falë reagimit të shpejtë në kohë, bënë të mundur kapjen dhe arrestimin në flagrancë të shtetasit R.L, 20 vjeç, banues në Korçë.
Si edhe filluan procedimin penal në gjendje të lirë për një 17 vjeçar, banues në Pirg.
Dy shtetasve të mësipërm iu gjet e sekuestrua në cilësinë e provës materiale një armë zjarri tip automatik, një krehër me 3 fishkë dhe 343 copë fishekë të tjerë të vendosur brenda një çante, të cilat i posedonin pa leje.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.