Autoriteti Rrugor Shqiptar (ARRSH) ka njoftuar se në datat 6 dhe 7 gusht, nga ora 00:00 deri në 04:30, do të ketë bllokim të përkohshëm të dy korsive në drejtimin Durrës-Tiranë, për shkak të punimeve për zgjerimin e superstradës Tiranë-Durrës.
Sipas ARRSH-së, gjatë këtij intervali do të kryhet montimi i trarëve metalikë të mbikalimit të ri të Kasharit.
Trafiku nga Durrësi drejt Tiranës, Aeroportit “Nënë Tereza” dhe Kosovës do të devijohet përmes rampave të autostradës Thumanë-Kashar.
Automjetet me destinacion aeroportin dhe Kosovën do të vijojnë lëvizjen në autostradën Kashar-Thumanë, ndërsa mjetet që shkojnë drejt Tiranës do të kalojnë në rrugën dytësore dhe do të rikthehen në autostradë pas mbikalimit të Kasharit.
