“Avatar: Rruga e Ujit ” ka arritur shifrën prej 1 miliardë dhe i bashkohet listës së filmave që “thyen arkat” pasi ka arritur shifrën e pabesueshme në më pak se dy javë pas daljes në kinema.
Siç konfirmohet nga themeluesi dhe redaktori i BoxOfficeGuru, Geetesh Pandya, filmi i dytë fantastiko-shkencor që vazhdon historinë nga bota e Pandorës ka fituar mbi 300 milionë dollarë në arkat e SHBA-së dhe 700 milionë dollarë ndërkombëtarisht.
Për James Cameron , filmi shënon një tjetër arritje historike, pasi “Avatar: The Way of Water” është filmi i tij i tretë (së bashku me Avatarin e parë dhe fituesin e Oskarit “Titanic”) që ka tejkaluar shifrën 1 miliard, dhe tani qëndron përkrah Steven Spielberg në listën e regjisorëve me fitimet më të larta në mbarë botën.
Avatar 2 arriti një miliard, më herët se sa pritej dhe po shkon drejt një suksesi të madh në arkë. Në fund të fundit, ky numër ishte qëllimi i Disney, që produksioni të përballonte shpenzimet e mëdha të filmit dhe të shmangte humbjen.
Siç kishte raportuar “Collider” rreth 24 orë më parë, filmi arriti të bënte një “hapje” të madhe në fundjavën e Krishtlindjeve, pasi kaloi 82 milionë dollarët në 4202 kinema.
Shuma që u desh për të realizuar filmin
Siç dihej, buxheti i Avatar 2 ishte rreth 250 milionë dollarë, por kjo shumë duket se është rritur pothuajse në dyfish. Sipas informacioneve të The Hollywood Reporter, shuma aktuale që është dashur për të xhiruar vazhdimin e James Cameron varion nga 350 deri në 400 milionë dollarë.
Siç raportohet në mediat e huaja, filmi më i shtrenjtë i bazuar në buxhetin e prodhimit, i cili gjithashtu arrin disa qindra milionë, është “Pirates of the Caribbean: On Stranger Tides” që kushtoi 379 milionë dollarë. Pra, nëse përafërsisht buxheti i Avatar 2 arrin në 400 milionë dollarë, atëherë ai zyrtarisht është filmi më i shtrenjtë i të gjitha kohërave.
Produksione të tilla duhet të bëjnë dyfishin e buxhetit të tyre, që të mos kenë humbje, pasi duhet të kenë parasysh edhe qindra milionë dollarët për reklamimin e tij, që në rastin e Avatar-it në 2009-ën arriti në 150 milionë.
Sinopsi i filmit
Avatar: The Way of Water zhvillohet më shumë se 10 vjet pas ngjarjeve të filmit të parë dhe fillon të tregojë historinë e familjes Sully (Jake, Neytiri dhe fëmijët e tyre), vuajtjet që i pasojnë, ekstremet që do të arrijnë. për të qëndruar të sigurt, betejat që do të bëjnë për të qëndruar gjallë dhe tragjeditë që do të durojnë.
Kanë kaluar 13 vjet që nga publikimi i filmit të parë. Sam Worthington dhe Zoe Saldana kthehen në rolet e tyre si Jake dhe Neytiri dhe jetojnë me familjen e tyre, të cilët janë rritur në botë të reja nënujore në planetin idilik të Pandorës.
Me ta kthehen: Joel David Moore, Stephen Lang dhe Sigourney Weaver, e cila merr një rol të ri. Kate Willslet, Edie Falco dhe Vin Diesel janë ndër të tjera protagonistët e rinj në film.
“Avatar: The Way of Water” është i pari nga katër vazhdimet e planifikuara të blockbusterit të vitit 2009, me tre të tjerat që do të vijnë në 2024, 2026 dhe 2028. Regjisori, megjithatë, ka lënë të kuptohet në një intervistë për “Empire” se ai mund të mos jetë pjesë në dy filmat e fundit të ekskluzivitetit.