I mandatuari i Himarës për kryebashkiak, Fredi Beleri u mor në mbrojtje në një konferëncë të organizuar nga avokati i tij me anëtarë të kolegjit të avokatisë së Greqisë.
Athanasios Zhupas,thotë se në rastin ‘Beleri’ nuk është respektuar prezumimi i pafajësisë.
“Meqë prezumiumi i pafajësisë është një parim bazë dhe si në çdo rast, në çdo vend të BE nëse ndodhte diçka e tillë, ku një kryebashkiak do bënte një akt që më pas do të ishte i dënueshëm, në rastin konkret pamë se prezumim i pafajësisë nuk është respektuar në rastin e të pandehurit tonë. Kemi vënë re se ka raste të tjera që gëzojnë një trajtim ndryshe dhe kjo është diçka që nuk duhet të ndodhte sepse kështu kemi shkelje të barazisë në të drejtë. Kemi ardhur të monitorojmë gjyqin e zotit Beleri, i cili ka dy nënshtetësi”, tha avokati grek Athanasios Zhupas.
Të pranishëm ishin edhe përfaqësues politikë si Flamur Noka i Rithemelimit dhe Vangjel Dule i PBDNJ. Të dy theksuan qëndrimi i tij në burg është politik.
“Rama pergatiti opinionin publik per nacionalizmin e semure. Ceshtja beleri nisi qe ne 6 maj nga Rama dhe me pas ne date 8 maj nisen përgjimet nga nje grup prej 15 efeketivesh te policise, pasi nuk u gjet asnje fakt i vetem, realizohet ne fakt nje rrembim ne qender te Himares, ku Beleri ishte, me avokatin dhe nje person tjeter, i cilesuar ne flagrance pa asnje prove apo fakte. Nga data 6-12 maj pergjimet u shoqeruar me retoriken nacionaliste te zotit Rama”, tha kreu i PBDNJ Vangjel Dule.
“Faji i Fredi Belerit do ishte ekspozimi i asaj çfarë ka ndodhur me pronat në bregdet. Edhe sot lideri i opozites shqiptare është arrestuar politikisht, i vetmi rast që arrestohet pa akuzë. Përmenda liderin e opozitës Berisha, Beleri, Kryemadhi, Meta Mediu. Kjo është drejtësi politike, me regji një hanxhar qe përdoret nga duart e Edi Ramës”, u shpreh deputeti demokrat Flamur Noka
I pranishëm në konferencë ishte edhe një avokat austriak, i cili solli në vëmendje disa parime themelore të të drejtave të njeriut, siç është prezumimi i pafajsisë apo barazia përpara ligjit.