Avokati Idajet Beqiri rrëfen në emisionin ‘Repolitix’ se çfarë ka ndodhur ditën që u vra Azem Hajdari. Para se të vritej, Beqiri thotë se Azem Hajdari nuk ishte në Tiranë, dhe sipas tij është marrë disa herë në telefon nga Sali Berisha. Beqiri thotë se ka dëshmitarë okularë dhe indirekt se atë ditë Hajdari ka qenë i shqetësuar dhe se ka qenë në Kavajë ka thënë “me çau kokën (për Berishën), ca do ky që merr kaq shpesh”.
“Fazën e dytë më 12 shtator, pasi hëngrën e pinë atë ditë më njëri tjetrin, nga kodrat e liqenit erdhën sepse do merrnin këtë kasetën që do u jepte Dem Dollapi. Do takonin edhe juristin e PD bashkë me Dem Dollapin që do i merrnin kasetën. Dem Dollapi nuk ka dalë, është vonuar. Këta kanë qenë më një makinë, kanë qenë bashkë me Naim Cangun, Jaho Muolosmani dhe Fatmir Haklaj. Po rrinin aty. Kishin shumë kohë që prisin të merrnin kasetën. Azem Hajdari atë ditë ka qenë në Fier, nga Fieri ka ardhur në Lushnjë, ka patur takim. Nga Lushnja është marrë në telefon disa herë nga Sali Berisha. Ka qëndruar në Kavajë, është marrë disa herë në telefon nga Berisha, telefoni Azem Hajdarit është zhdukur. Nga provat e tjera që ka dosja, edhe nga dëshmitarë okularë dhe indirekt rezulton se Azemi ishte i shqetësuar. Ka thënë me çau kokën, për Berishën, ca do ky që merr kaq shpesh.
Erdhi në tiranë. Qëndrimin e Fatmir Haklajt e kanë vënë re disa njerëz aty dhe konkretisht ata të lokalit që pinin kafe. Ajo kafeja ka qenë rreth 10 m larg nga vendi ku është varrë Azemi, aty është futur disa herë Shpresa, mbesa e Berishës. Ka parë kush është në makinë dhe i ka njohur, ka shkuar dy herë në zyrën e PD. ka dalë nga zyra, ka kaluar katër pesë metro te makina ku ishin ata të armatosur. Ka shkuar te kafja ka pirë kafe, nëse këta donin ta vrisnin e hiqnin, Azemi nuk e dinte që ishin aty, Azemi puthi të shoqen dhe shkoi në zyrë prapë. Edhe herën e dytë kur kaloi ishte vetëm. Ata po të donin ta vrisnin e vrisnin”, tha Idajet Beqiri.