Nisur nga rasti i arrestimit të këngëtares Enca, pasi u kap me 5 vazo me kanabis në banesën e saj, avokati Idajet Beqiri tha se dënimi për kanabis nuk duhet të shkojë më shumë se dy vite burg, por nga ana tjetër gjobat duhet të jenë masive.
Ai nënvizoi se duhet të rregullohet ligji. Beqiri tregoi edhe që një baba i lutej që t’i fuste fëmijën në burg pasi ai përdorte lëndë narkotike.
“Njerëzit po marrin masa drastike dënimi për kanabisin. Nuk duhet të shkojë dënimi më shumë se dy vite burg. Gjoba duhet të jetë masive. Te ne si ai që ka 1 tonë kanabis si ai që ka më pak, dënohet njëlloj. Duhet një rregullim domosdo ligjor. Nuk është dënimi ai që e frenon fenomenin. Unë kam raste, që vinte një baba dhe m’u luste që t’i fusja në burg djalin sepse përdorte kanabis, kjo është e rëndë”-tha ai.