Larisa
Një mësues 61-vjeçar ka përfunduar i gjakosur, me goditje në fytyrë dhe në gjoks në spitalin e Larisas, pasi u rrah barbarisht nga një prind i një nxënësi në shkollën fillore.
Mësohet se autori, prin i një fëmije në atë shkollë, pak para orës 2 pasdite , ka hyrë në ambientet e institucionit arsimor në fjalë dhe ka nisur të sulmojë verbalisht mësuesit me pretendimin se “kanë goditur fëmijën e tij”.
Më pas, ai ka goditur me grusht drejtoreshën dhe dy mësuesit . Një nga mësuesit, gjimnast në specialitet, u dërgua në spital i gjakosur.
Ishte e kotë tentativa e atyre që u përpoqën të qetësonin babanë që dukej si dem i tërbuar dhe nuk dinte të ndalej.
Mjekët bëjnë me dije se, 61-vjeçari ka pësuar goditje me grushte në nofullën e poshtme dhe në gjoks. Pas ekzaminimeve të nevojshme mjekësore, i dëmtuari ka dalë nga spitali.