“Më shumë gjak fëmijësh në duart e Putin”…ky është përshkrimi i fotos së dhimbshme, ku babai përqafon trupin e pajetë të djalit të tij, jeta e cilit u pre në mes nga bombardimet ruse në Ukrainë.
Lotët i kanë mbaruar…dhe ende s’mund ta besojë që edhe djali i tij është mes qindra civilëve që nuk i shpëtuan dot sulmeve ruse në Mariupol.
Serhii, babai i adoleshentit u fotografua duke përqafuar trupin e djalit, të mbuluar nga një çarçaf të larë nga gjaku i tij.
Mariupoli, i cili është tërësisht i rrethuar nga forcat ruse, është bombarduar prej mëngjesit të djeshëm në përpjekje për të detyruar qytetin t’i nënshtrohet forcave të Putin.
