Kryetari i grupit parlamentar të Partisë Socialiste, Taulant Balla i kujtoi sot kryetarit të Partisë Demokratike, Sali Berisha se është i akuzuar për korrupsion, ndaj nuk mund të flasë në Kuvend në emër të drejtësisë.
Duke iu përgjigjur Berishës në Kuvend, Balla tha se drejtësia e ka marrë të pandehur për korrupsion, ndërsa është shpallur edhe non grata nga SHBA.
“Drejtësia në Shqipëri të ka marrë të pandehur për korrupsion. Je i akuzuar për korrupsion dhe tani të vish këtu dhe të bësh të ndershmin, të flasësh në emër të drejtësisë dhe madje të bëhesh ti emisar për të sjellë habere dhe drejtësisë, ti që 1-2 herë në muaj shkon para drejtësisë”, tha Balla.
Balla kujtoi se është njeriu që e ka kallëzuar Berishën para drejtësisë.
“Të gjithë ata që janë akuzuar duhet të përballen me drejtësinë”, shtoi ai.