Gazetari Denis Dyrnjaja foli në lidhje me dekretimin e Taulant Ballës si Ministër të Brendshëm.
Në një intervistë për emisionin “Now” ai tha se Balla ka qenë gjithmonë në çadrën e Gramoz Ruçit, duke shtuar se ai ka mbajtur një profil të kujdesshëm për të ngjitur shkallët e pushtetit.
Më tej ai theksoi se Rama caktoi Ballën në këtë post në mënyrë që të ketë diversion brenda partisë.
“Nuk matet krimi në Shqipëri me statistika. Balla ka mbajtur një profil të kujdesshëm shumë të ulët, për të ngjitur shkallët e pushtetit dalëngadalë. Ka qenë gjithmonë në çadrën e Gramoz Ruçit. Nuk i ka hypur vetja në qejf për ta tejkaluar Gramoz Ruçin derisa ishte ai në fuqinë e vet politike. Balla duroi shumë derisa i erdhi pushteti. Balla është një lojtar politik, që ka krijuar shumë armiq në PS. Rama e bëri këtë sepse deshiron të ketë diversion brenda partisë së vet”- tha ai.