Kreu i grupit parlamentar të Partisë Socialiste Taulant Balla ka mbledhur Kryesinë në selinë rozë, ku ka kërkuar që të nisë puna për zgjatjen e procesit të vetingut.
Anëtarë të KPK u përfundon mandati në qershor të vitit të ardhshëm dhe ishte vetë ministri i ri i Drejtësisë Ulsi Manja që bëri të ditur në seancën parlamentare se do të kërkohet konsensusi i opozitës për ndryshimet kushtetuese.
“Mandat kushtetues, që është përcaktuar qartë që për të tre organet e drejtësisë, mandati i parë i KPK dhe Komisionerit publik ësht ëpesë vjet që nga dita e nisjes së funksionit ndërsa KPA e ka afatin nëntë vjet. Referuar momemntit kur kanë nisur, mandati i tyre mbaron në 17 qershor 2022. Janë 801 subjekte në total për tu rivlerësuar, janë 431 subjekte të vetuara dhe mbeten në proces 370 subjekte. Për të garantuar vijueshmërinë e këtij procesi e për të ruajtur standardet e arritura kushtetuese dhe ligjore ne mendojmë dhe jemi në kominikim të vazhdueshëm me bashkëautorët tanë në drejtësi që ky proce të përfundohet nga organet e vetingut. E thënë më qartë ne do të kërkojmë edhe konsensusin e opozitës që mandati i KPK dhe komisionerëve publikë të zgjatet deri në përfundim të procesit të vetingut”, është shprehur Manja.