Kreu i grupit parlamentar të PS, Taulant Balla ironizoi grupin e Sali Berishës që la seancën plenare se duhet të mbledhë protestues për nesër. Po ashtu, Balla nuk la pa përmendur një audio-përgjim që u publikua dje për 21 janarin, duke i bërë thirrje prokurorisë që të nisë hetimet.
“Një audio-regjistrim që zbardh më në fund të gjithë kronologjinë e urdhër dhënies për vrasjen, masakrën shtetërore të 21 janarit. S’e kam bërë kurrë diçka që historikisht e bëni ju dhe do vendos për publikun gjithë këtë material që është publikuar i gjithi mbrëmë dhe uroj e shpresoj, i bëj thirrje prokurorisë që më në fund këtë çështje ta hetojë. “Dashamir thotë komandanti, gati për zjarr ushtarak. Dashamir ju kuptova. Gati luanët. Të mbahen armët, gati për zjarr””,-tha Balla.
Për këto akuza, iu përgjigj deputeti i PD-së, Ervin Salianji. Ai akuzoi PS-në se janë të korruptuar dhe se janë tallur me gjakun e viktimave të asaj ngjarjeje të rëndë. “Keni gjithë këto vite që akuzoni për 21 janarin dhe talleni me gjakun e atyre viktimave të shkretë. Kryeministri foli për ujëra të zeza, nuk tha dhe manipuloi akt akuzën”,-tha Salianji.