Kreu i grupit parlamentar të Partisë Socialiste, Taulant Balla, është optimist se Presidenti i ri do të jetë fryt i një konsensusi të gjerë edhe me opozitën. “Nëse Konferenca e Kryetarëve zhvillohet me 6 maj i bie që në 11-12 maj të kemi raundin e parë. Jam shpresëplotë që ne mund të zgjedhim një President apo Presidente me shumicë përtej 3/5. Ka plot personalitete në Shqipëri që mund të marrin përtej kësaj shumice që garantohen zgjedhjen në raund të parë. Në 24 maj procesi duhet të ketë filluar. Nëse do kemi mundësi që kur të shkojmë te kriteret dhe pastaj te emrat të gjejmë kandidaturën që gëzon mbështetjen edhe të mazhorancës dhe të opozitës kjo është gjëja më e mirë që ne mund të japim, duam një President për gjithë shqiptarët”, deklaroi Balla.
Megjithatë ai theksoi se kjo nuk varet nga PS.