Kreu i Grupit Parlamentar të Partisë Socialiste, Taulant Balla u shpreh në seancën e sotme parlamentare se nuk do të jetë e largët dita kur Sali Berisha të largohet nga salla e Kuvendit.
Balla theksoi se SPAK ende kërkon prova për Berishën, dhe se ai vetë ka depozituar sipas tij fakte të shumta që dëshmojnë korrupsionin.
“Djallin e hoqëm nga drejtësia, por kemi punë për ta hequr nga Parlamenti, punë javësh, punë ditësh, punë muajsh. Që do e heqim do e heqim, është çështje kohe. Djalli këtu brenda do largohet. Sa kohë që partneri ynë, SHBA thotë se është një person që akuzohet për korrupsion të nivelit të lartë, këtu në Shqipëri, SPAK ende po kërkon prova. Provat janë aty. Unë jam një prej tyre që të dërgoj pafund prova. Më kanë thënë që kanë regjistruar një çështje për kompleksin Partizani”, tha Balla.