Drejtuesi politik i PS-së për Diasporën, Taulant Balla u takua me një shqiptar në Azzano Decimo, në Itali. Gjatë vizitës, Balla vlerësoi suksesin e sipërmarrësit Jurgen Arapi.
“Jemi këtu për të përshëndetur një prej djemve shqiptarë më të suksesshëm në këtë zonë, i cili ka hapur prej 9 vitesh një biznes të tij dhe e ka bërë destinacionin më të kërkuar për të gjithë ata që duan të kujdesen për veten”, tha Balla.
Ai vuri në dukje se suksesi tregon përpjekjet, profesionalizmin dhe vendosmërinë e shqiptarëve që jetojnë jashtë. Balla është në një tur takimesh për të mbështetur shqiptarët e suksseshëm në diasporë, jo vetëm në sipërmarrje, por dhe ata që janë angazhuar në jetën politike lokale në Itali.