Deputeti demokrat, Klevis Balliu, thotë se mospjesëmarrja e x deputetëve demokratë në protestën e 7 korrikut nuk ka asnjë rëndësi përballë kauzave të rëndësishme që ajo ka.
Në “Rtv Ora” ai thotë se ky manifestim është interes kombëtar, përtej interesave të ngushta politike të secilit.
Balliu: Nuk mendoj që asnjë nuk është kundër që të vijë në protestë, mund të kesh probleme me lidershipin. Kanë me Boris Johnson, bëjnë debat. Çdo parti politike i ka këto. Kjo protestë është interes kombëtar. Tani ke interes personal se nuk më duket që kjo protestë të fitojë, të ketë masivitet, se ka dhe nga këto lojëra politike. Për një deputet x apo y ka zero rëndësi në kuadrin e çështjeve që janë ngritur, që janë çështje jetike, themelore për shtetin dhe qytetarët shqiptarë.