Zëvendëskryeministrja Belinda Balluku nga Zvicra dha lajmin e mirë se është takuar me Ministrin Federal të Zvicrës për Transportin z. Albert Rösti dhe kanë diskutuar sëbashku në lidhje me modernizimin e rrjetit hekurudhor shqiptar.
Postimi i Ballukut:
Bern – Një takim shumë i frytshëm me Albert Rösti, Ministrin Federal të Zvicrës për Transportin, Energjinë dhe Mjedisin. Diskutuam për një marrëveshje ndërqeveritare për bashkëpunim ekonomik, të bazuar në praktikat e mira dhe të suksesshme që kemi me SHBA, EBA, Francën dhe vende të tjera.
Shkëmbyem mendime mbi forcimin e bashkëpunimit mes Shqipërisë dhe Zvicrës në fushën e transportit, me fokus të veçantë në zhvillimin e sektorit hekurudhor si një komponent kyç i infrastrukturës së qëndrueshme dhe ndërlidhjes rajonale.
Në fokus të bisedës ishte modernizimi i rrjetit hekurudhor shqiptar, përmirësimi i shërbimeve dhe zhvillimi i kapaciteteve profesionale, duke synuar të përfitojmë nga eksperienca e suksesshme zvicerane në këtë fushë.