Gjatë një interviste të dhënë për emisionin “Kjo Javë” në televizionin News24, Ministrja e Energjitikës Belinda Balluku ka folur për situatën me me çmimet në vendin tonë dhe krizën aktuale ekonomike.
Ndërkohë, teksa u pyet nga moderatorja Nisida Tufa nëse e ndjen edhe ajo rritjen e çmimeve, ministrja Balluku tha se edhe ajo është një qytetare si gjithë të tjerët, i bën pazaret vetë dhe kjo rritje është reflektuar padyshim dhe tek ajo.
Rritja e naftës
Padyshim që qeveria e mbështet tregun e lirë. Ne kemi ndërtuar një treg të lirë dhe nuk ndërhyjmë. Po presim të mbarojë kjo periudhë dhe t’i kthehemi situatës më parë. Është vendosur krijimi i bordit. Ministria ka një rol teknik atje. Kemi bërë transparent çdo vendim atje. Të gjitha vendimet ndodhen në shkresa. Synimi vazhdon të jetë transparenca.
A pati abuzime?
Po, ka patur. Nuk mund të vë emra por ka pasur pasi periudhat e mergjencës, luftës padyshim kanë edhe tendencën e tregtarëve për të abuzuar.
Personalisht e ndjen rritjen e çmimeve?
Jam qytetare si gjithë të tjerët. I bëj vetë pazaret ndaj ka rritje çmimesh që ka ardhur edhe para se të vinte lufta, me rikthimin e pandemisë. Pas një 2-vjeçari me lindja të fjetura prodhimi u kërkuar të plotësonin mungesën. Rritjen e ndjen çdo qytetar dhe si ata edhe unë.
Çmimet në raport me rrogat
Qytetarët kanë gjithmonë të drejtë. Nuk janë të pabaza shqetësimet e tyre. Sigurisht ne kemi bërë më të mirën në këto 9 vite. Mos harrojmë nismat q ëjanë marrë për biznesin e vogël. Nuk kemi ndenjur duarkryq.