Drejtuesja politike e PS-së në qarkun Fier, zv.kryeministrja dhe ministrja Belinda Balluku ka ndarë fotot nga një takim që e quan 100% të vërtetë. Balluku thekson se ka qenë e rrethuar me dashuri nga njerëzit e punës në fushën e Myzeqesë. Për të, Shqipëria 2030 i takon shqiptarëve dhe jo kënetës.
”E gjithë atmosfera që duket në këto foto është 100% e vërtetë. Rrethuar me dashuri nga njerëzit e punës, në fushën e Myzeqesë, në zemër të saj, në Allkaj. Biseduam dhe bëmë planet për të ardhmen, ashtu siç myzeqarët e meritojnë.
Ndërkohë që të tjerët merren me përbaltjen, ndërkohë që të tjerët merren me justifikimin e humbjes së tyre të madhe, ne kemi kohë vetëm për të punuar, kemi kohë vetëm për të parë përpara sepse Shqipëria 2030 i takon shqiptarëve dhe jo kënetës e baltës”,-shkruan Balluku.