Mediat këto ditë kanë raportuar për një bashkëpunim mes portalit E-albania dhe sektorit bankar në Shqipëri, por Agjencia Kombëtare e Shoqërisë së Informacionit (AKSHI), bën me dije dhe garanton qytetarët shqiptarë se ky proces që AKSHI ka nisur me bankat e nivelit të dytë në Shqipëri, ka për qëllim veç përmirësimin e digjitalizimit të pagesave për shërbimet publike të ofruara nga e-Albania.
Eksperti i IT, Said Duleviç thotë se nuk ka rrezik që të na vjedhin paratë nëse bankat e nivelit të dytë do të kalojnë në platformën e-Albania. Për të numrat blihen online, ndërsa shtoi se është e pamundur të bëhen transaksione nga dikush tjetër për aq kohë sa ti e ke aktiv numrin tënd.
“Janë numra virtual që blihen online pa qenë nevoja që të vendosësh SIM kartë. Nuk mendoj se dikush mund të marrë numrin tim. Problemi më i madh nëse numrin e lë pasiv dhe dikush tjetër mund ta marrë të njëjtin numër. Por në rastet e tjera kur ti e ke aktiv telefonin dhe numrin tënd nuk besoj se dikush ka akses që të marrë kodin dhe të bëjë transaksione”.