I gjithë fshati në Itali i është vënë pas shqiptarëve të cilët tentuan që t’i arratiseshin policisë. Mediat italiane raportojnë se karabinerët gjatë kontrollit që po bënin në rrugë arrestuan në flagrancë tre shqiptarë të cilët akuzohen për vjedhje, rezistencë ndaj zyrtarit të Policisë si dhe për shuma parash të pajustifikuara që i kishin me vete.
Në momentin që Policia ndërhyri, njëri nga shqiptarët u arrestua menjëherë ndërsa dy të tjerët u munduan të arratiseshin, por që u kapën nga policia dhe qytetarët pak metra më tutje në afërsi të fshatit.
Hetimet e menjëhershme, të kryera pas marrjes së gjurmëve të gishtave, bënë të mundur konstatimin se ndaj një prej të arrestuarve ishte lëshua një urdhër arresti në datën 7 korrik 2022 pasi akuzohej për vjedhje në banesë dhe rezistencë ndaj një zyrtari publik.