Banorët e Krujës e Fushë Krujës dolën sot sërish në protestë duke bllokuar aksin Thumanë-Kashar.
Protesta nisi rreth orës 18:00, ndërkohë që në vendngjarje ishte një prezencë e madhe të forcave të policisë.
“Përse na u ka blloku rruga? Për çfarë arsyeje nuk kemi akses me hy në rrugën tonë, shtëpia tona. Sepse ky shtet nuk është formuar, ka 10 vjet. Ky shtet është formuar ka 113 vjet. I bëj thirrje, këtu tek këto toka kanë lënë mund e djersë, edhe ne do lëmë mund e djersë që të mos ikim nëpër Europë. Prandaj i kërkoj të na jap zgjidhje. Nuk jena tu vjedh, nuk jena tu vra, nuk jena duke bërë drogë. Me zor po jetojmë. Skemi më asnjë shpresë. Më vjen keq për këta biznes. Ju bëj thirrje, keni miliona euro. Unë ika, ju keni për të qarë. Investoni dhe hajdeni këtu në protestë me ne.”, u shpreh një prej protestuesve.